Նախագծի ընթացք-նկարագրությունը՝ «Առականի» նախագիծը մեկնարկել է 2019-2020 ուստարում և շարունակվելու է ողջ տարվա ընթացքում։
Նախագիծն ունի իր բլոգը, որտեղ ներկայացվում են սովորողների կատարած աշխատանքները։ Նախագծի ընթացքում ընթերցում, վերլուծում, քննարկում, բեմադրում ենք հայ և համաշխարհային գրականության առակների լավագույն նմուշները, կատարում ենք առցանց և բացօթյա ընթերցում-քննարկումներ, ինչպես նաև՝ առակներ ենք փոխադրում գրաբարից աշխարհաբարի։ Առակներ են հորինում իրենք՝ սովորողները։ Համագործակցում ենք դպրոց-պարտեզի անգլերեն և ռուսերեն դասավանդողների հետ և սովորողների հորինած առակները թարգմանվում են այդ լեզուներով։
Նախագծի նպատակն է զարգացնել սովորողների՝ տեքստային աշխատանք կատարելու, համադրել-հակադրելու կարողությունները, ծանոթացնել գրաբարին, զարգացնել սովորողի համագործակցային կարողությունները, հարստացնել բառապաշարը։
Նախագծի իրականացման ժամկետը`շուրջտարյա
Նախագծի մասնակիցներ՝ Արևմտյան դպրոց-պարտեցի 4-րդ և 5-րդ, Միջին դպրոցի 6-րդ դասարանների սովորողներ։
Նախագծի արդյունքը՝ եռալեզու ընթերցարանի, աուդիոգրքի ստեղծում։
Նախագծի ընթացք-արդյունքների հաշվետվություն-ներկայացում՝ յուրաքանչյուր ամիս
Նախագծի շահառուն՝ ստեղծված ընթերցարանը, աուդիոգիրքը կարող են ծառայել որպես ուսումնական նյութեր կրտսեր դպրոցների սովորողների համար։
Երանուհի Խլղաթյանի բլոգ 